望吓你身邊嘅人，你會唔會察覺得到，有啲人總係日日掛住個四萬咁嘅口，但係有啲人就好似關公上身咁，成日都黑住塊面。咁你認為快樂嘅人係與生俱來，定係後天培養出嚟㗎呢？
根據正向心理學之父馬丁·賽里格曼 (Martin Seligman) 嘅研究指出，你嘅快樂指數係基於三個因素：
• 你嘅遺傳基因 – 佔咗百分之五十，即係取決於你嘅父母，你係無得揀嘅！
• 你自己嘅掌控 – 佔咗百分之四十，你嘅思想、情緒表達和行為都會影響到你快唔快樂。
• 你身處的環境 – 佔咗百分之十，你的父母、兄弟姊妹、認識朋友丶居住和工作環境都會影響嘅快樂指數。
睇到呢個解釋，你嘅第一個反應會係喜，定係悲？
如果你係樂天一族，咁無論結果係點，請繼續樂觀面對，因為人生可以係快樂無比嘅！如果你係悲觀一族，希望你對人生有番啲希望，雖則百分之五十的快樂係我哋嘅宿命，有百分之十係環境影響，但仲有百分之四十嘅人生快樂係我哋可以自己掌握㗎嘛！
正向心理學家指出：「你嘅焦點如何，你嘅快樂也如何！」
不如我哋好好學習，多訓練自己，將焦點放係嗰百分之四十上面，等自己變得更快樂喇！
作者: Matchy Ma
歡迎大家分享文章，並載明出處。
此文章同時刊登在新城教育+網站及Facebook
Opmerkingen